Kyun na phir sy usay milnay ka irada kr lon

Kyun na phir sy usay milnay ka irada kr lon
Zakhm ye sadiyon purana tar-o-taza kr lon,

Phir sy keh doon usay k tum meri aqeedat ho
Phir sy guzri mohabaton ka eyada kr lon,

Sonp doon ab ye apni shokh tabiyat uss ko
Sochta hu k khud ko is qadar saada kr lon,

Ya usay pa k bhula doon me dard-o-ghum apnay
Ya us k hijjr ka ghum aur b zyada kr lon,

Wo to hr qasam hans k torr jata ha
Phr nya kis tarha us sy koi wada kr lon.