Waasta Husn Se, Ya Shiddat-e-Jazbat Se Kya

Waasta Husn Se, Ya Shiddat-e-Jazbat Se Kya
Ishq Ko Tery Qabeely, Ya Meri Zaat Se Kya?

Meri Masroof Tabiyat B Kahan Rok Saki
Wo To Yaad Aata Hai, Us ko Mere Din Raat Se Kya?

Pyaas Dekhoon Ya Karoon Fikr K Ghar Kacha Hai
Soch Me Hoon K Mera Rishta Hai Barsaat Se Kya?

Ab Usy Fikr, K Kya Log Kahen Ge Saghar
Kal Jo Kehta Tha Mujhy, Rasm-o-Riwayaat Se Kya.